Dumeni u Dumeng

chau da Chasper Pult
Legenda da maletgs: Chasper Pult. RTR G.Dazzi

Oz inditgeschan ils chalenders il num latin Dominicus ch'è collià directamain cun Dominus, il signur u il Segner, co che nus vesain era en il num dal di dumengia. I sa tracta dad in num ch'è sa mantegnì durant ils tschientaners. A Cuira datti era l'urden dals Dominicans ch'ha probablamain favurisà quest num. Varsaquantas schlattainas derivan da quel, patratgain als Minschs, Mengs, Menns, Camenischs u Menghinis. Ma era sco prenum existan bleras variantas sco Men, Mic, Mec, Mang e Maini. Ed era las furmas femininas èn interessantas, da la Domenica a la Menga u Mengia, Mica, Meca u Memma.

Redacziun: Chasper Pult