Flurin

chau da Chasper Pult
Legenda da maletgs: Chasper Pult. RTR G.Dazzi

Oz è l'onomastic da quest bel prenum che vegn dal pled latin per flur e signifitga «quel che flurescha». Ils 4 matg da l'onn 394 è mort il sontg Florian a Lorch en l'Austria Auta sco martiri. La schuldada na'l vuleva betg arder viv or da respect fin che in giuven l'ha bittà dad ina punt en il flum Enns, e quai be otg onns suenter che l'imperatur Constantin aveva declerà la libertad da cretta.

Il num rumantsch Flurin sa referescha però era al sontg Flurin da Ramosch, dal qual nus vain gia raquintà in'autra giada. Dad el ans regurdain nus pervia dal miracul dal vin, entant ch'il Florian è quel che ans protegia dals incendis.

Redacziun: Chasper Pult