Guarda

Damaun finescha l'exposiziun d'atun a Cuira che porta uss il num Guarda.

chau da Chasper Pult
Legenda da maletgs: Chasper Pult. RTR G.Dazzi

In exempel tranter blers che mussa co che il rumantsch vegn duvrà en l'economia. Ils organisaturs din ch'il num tunia frestg ed autentic, era las secziuns portan nums rumantschs sco «plaschair» u «ragischs». Il verb «guardar» vegn duvrà en Engiadina ed en Surmeir en la furma «vurdar». La derivanza è germanica, «wardon» signifitgava observar e proteger. La segunda muntada pudain nus anc constatar en las exclamaziuns sco «Dieuminaguarda!» u «Dieunuardi!». Ed era sche en Surselva è il verb «mirar» dominant udin nus a clamar ils Tschellauers «uarda!», era sch'els n'èn betg stads a mirar l'exposiziun.

Redacziun: Chasper Pult