Um Su

chau da Chasper Pult
Legenda da maletgs: Chasper Pult. RTR/G.Dazzi

Dapi emnas regna ina discussiun intensiva, oravant tut en Lumnezia, davart in parc da vent en il territori da l'Um Su, e damaun datti la votaziun consultativa.

Nus ans occupain dal num «Um» che deriva dal latin «homo» e signifitgescha en rumantsch um u carstgaun. In «um» è savens in um da crap che serva per marcar in piz u in auter punct marcant en la cuntrada. «Um crap» datti en tut la Surselva, a Trin ha quel num «Um da crap» ed en l'Engiadina Bassa chattain nus bleras giadas il «Mot da l'hom». Il medi e poet Giachen Michel Nay ha deditgà ina poesia a «l'um crap» ed Arno Camenisch deditgescha ina passascha clav a quel simbol en ses raquint Sez Ner.

Redacziun: Chasper Pult