Zanin

chau da Chasper Pult
Legenda da maletgs: Chasper Pult. RTR G.Dazzi

Quests dis ha il zanin stagiun auta, quel magiel pitschen per baiver vinars. En tut ils idioms enconuschain nus quest pled cun las variantas zanign e zanegn. El deriva dal pled talian zana che signifitgescha chanaster e che vegniva duvrà per metter enturn las buttiglias. L'auditur da Mustér che ha dumandà la muntada da ses num na sto dentant betg sa turpegiar dad esser in baraccauner. Ses tat era vegnì en Grischun dal Veneto, nua che Zanin è ina schlattaina fitg derasada. Quella è in diminutiv da Giovanni che daventa Gianni e suenter Zanin. Sia biografia – ed era las nossas – dattan segir chaschun per far viva la notg da Silvester, forsa cun in zanin?

Redacziun: Chasper Pult