Cantus firmus surselva – Mendelssohn: ELIAS 1. part

Felix Mendelssohn e ses oratori dal profet Elias che vul manar enavos tar Dieu ses pievel ch'aveva pers la cardientscha.

Cantus firmus surselva - en concert.
Legenda da maletgs: Clau Scherrer dirigia il Cantus firmus surselva. MAD

Duas parts, in'uvertura e 42 numers – quai la structura da quest oratori cumponì da Felix Mendelssohn-Bartholdy 1837/46. El tracta la figura dal profet Elias (Vegl Testament) ed è scrit per solists vocals, chor ed orchester.

Tema, odi, dubi e confusiun, dentant era speranza e confiert èn ils elements da quest'ovra. E raquintads vegnan ils suandants purtrets: carstgauns fomentads senza speranza, la forza da l'uraziun e las miraclas d'Elias, ses cumbat cunter ils sacerdots da Baal, sia fugia e l'ascensiun vers tschiel.

RTR ha registrà il concert dals 29-12-2017 a Trun en la baselgia da s. Martin. Ils interprets: Letizia Scherrer (sopran), Ivonne Fuchs (alt), Martin Mairinger (tenor), Markus Volpert (bass), Cantus firmus surselva e l'orchester Le Phénix. Dirigent: Clau Scherrer. La classica porta l'emprima part (2. part: dumengia: 02-12-2018 19:00).

Ils titels en l'emissiun

TITELINTERPRETCUMPONIST
Oratorium Elias, op. 70 1. TeilFelix Mendelssohn-Barthodycantus firmus surselva + solisten + Orchester le Phénix
Lied ohne WorteFelix Mendelssohn-BarthodyAlpenheim, piano

Redacziun: Giusep G. Decurtins