In'opera «en in'ura»: Fidelio

La rolla da Leonore chanta Birgit Nilsson.
Legenda da maletgs: La rolla da Leonore chanta Birgit Nilsson. Keystone

En quella Classica udis Vus parts da l'opera Fidelio da Ludwig van Beethoven – sia suletta opera insumma.

I va per la libertad u meglier ditg per in cumbat per libertad. L'erox Florestan è en miseria. El è innocentamain en praschun, cunquai ch'el sa chaussas ch'el na dastgass betg savair sur dal directur da la praschun Don Pizarro. Perquai vul lez l'emprim laschar murir Florestan da la fom en sia cella e pli tard, cura ch'i fa prescha, mazzar el.

La dunna da Florestan, Leonore sa vestgescha sco um per pudair deliberar ses consort. Ella sa numna Fidelio e cumenza a lavurar en praschun. La finala sa bitta ella tranter Don Pizarro che vul mazzar Florestan e sa mussa sco dunna: «Töt' erst sein Weib».

Redacziun: Yvonne Simmen