Tge offertas da scolaziun ha RTR?
Ins po far l'emprendissadi mercantil cun u senza scola media professiunala (BMS) e l'emprendissadi d’informatica.
Tge fa spezial in emprendissadi tar RTR ?
Ch’ins po vesair e lavurar en diversas spartas e differents champs da lavur. Igl è in emprendissadi en rumantsch en la chapitala dal Grischun.
Tge avantatgs han las emprendistas ed ils emprendists da RTR?
In emprendissadi variant, bunas cundiziuns da lavur en in bun team.
Datti in’acziun speziala da RTR per las emprendistas ed ils emprendists?
Il «di d’emprendistas e d'emprendists», la premia da prestaziun, la pussaivladad da gidar tar occurrenzas sco festas, open air, etc.
Datti fermezzas concretas u talents che RTR promova?
Quai es pussaivel. L’emprendissadi sa vegnir adattads als talents.
Tge pussaivladads datti per ils emprendists suenter l’emprendissadi?
l’access ad in vast champ da lavur en divers mastergns commerzials u informatics. Tut tenor era la pussaivladad da returnar a lavurar tar RTR.
Co descrivessas ti il clima da lavur tar RTR?
Fitg famigliar e bun.
Tge premissas ston avair persunas che vulan far in emprendissadi tar RTR?
Saver discurrer e scriver in idiom rumantsch. 3 onns scola secundara. Motivaziun d’emprender insatge nov.
Tge motivescha tai d’esser responsabla per las emprendistas ed ils emprendists?
Jau lavur gugent cun giuvenils ed als accumpogn cun plaschair en il mund da lavur. Igl è in temp fitg pretensius en la vita d’in carstgaun. Quel temp n’emblid’ins mai. Jau speresch ch’i dettia surtut bunas experientschas qua tar RTR.
Tge giavischas ti per l’avegnir da l’emprendissadi tar RTR?
Che nus dastgian scolar ed accumpagnar vinavant giuvenils en il mund da lavur.