Adina damain persunas abuneschan gasettas regiunalas. I dat pli e pli paucs inserats. Quai senta era la «Südostschweiz», la gasetta da mintgadi grischuna. Il dumber d’abunaments è sa reducì l’ultim decenni per in terz.
- Data: mesemna, 29-10-2025
- Lieu: Kino Apollo, Cuira
- Uras: 19:30 (avertura da las portas 19:00)
- Film «L'ultima gasetta» (50 min. – mit deutschen Untertiteln)
- Senza annunzia, entrada libra
Suenter il film da Paula Nay e Stefanie Hablützel datti ina discussiun da podium, cun:
- Johanna Burger, scienziada da communicaziun, SAS Grischun
- Martina Fehr, CEO da la scola da schurnalissem MAZ
- Flavio Bundi, schefredactur RTR
Tema: «Schurnalissem regiunal – renda quel anc?»
Ussa vul l’interpresa da famiglia avair success cun in duo schurnalistic da la Germania: Joachim Braun e Nikola Nording. Els sa concentreschan sin las medias digitalas e vulan cuntegns che interessan uschè bleras lecturas e lecturs sco pussaivel. La nova lingia procura per malcuntentientscha en politica e cultura. Er expertas ed experts da medias crititgeschan quest svilup. En discussiun èn las medias sco quarta pussanza e sco pitga da la democrazia.
-
Bild 1 von 4. Susanne Lebrument. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Silvio Lebrument. Bildquelle: RTR.
-
Bild 4 von 4. Seduta da redacziun. Bildquelle: RTR.
Il film accumpogna la redacziun en transfurmaziun e mussa co che l’interpresa da famiglia funcziuna. Ensemen cun ses dus frars vul la vicepresidenta Susanne Lebrument manar vinavant l’ierta da ses bab Hanspeter Lebrument. Ella sa mova en il champ da tensiuns tranter pretensiun schurnalistica e rentabilitad.