L’archiv audiovisual da RTR è plain istorgias, inscunters e perlas che reflecteschan la vita da mintgadi ed il svilup da nossa regiun durant blers decennis. Questa saira speziala a Savognin avrin nus ensemen la porta a quels documents da pli baud – ina giada surprendents, ina giada leghers, ina giada pensivs.
Flavio Bundi, schefredactur da RTR, maina tras la saira e mussa ina selecziun da perlas d’archiv che purtreteschan Savognin en differents temps. Ensemen guardain nus enavos sin umans, tradiziuns e muments che furman ina part da l’identitad regiunala.
Perlas d'archiv da Savognin
-
Bild 1 von 8. Hotel Piz Mitgel, Savognin. Bildquelle: NOSSAISTORGIA.CH, Romano Plaz.
-
Bild 2 von 8. L'edifizi da la posta a Savognin enturn l'onn 1890. Bildquelle: NOSSAISTORGIA.CH, Romano Plaz.
-
Bild 3 von 8. Processiun da Sontgilcrest a Savognin. Bildquelle: NOSSAISTORGIA.CH, Romano Plaz.
-
Bild 4 von 8. Turissem d'enviern, Savognin. Bildquelle: NOSSAISTORGIA.CH, Romano Plaz.
-
Bild 5 von 8. Punt Crap, Savognin. Bildquelle: NOSSAISTORGIA.CH, Romano Plaz.
-
Bild 6 von 8. Musica Instrumentala l'onn 1954. Bildquelle: NOSSAISTORGIA.CH, Romano Plaz.
-
Bild 7 von 8. Ospital a Savognin l'onn 1954. Bildquelle: NOSSAISTORGIA.CH, Romano Plaz.
-
Bild 8 von 8. Vista sur Savognin. Bildquelle: NOSSAISTORGIA.CH, Andrina Caprez.
Scuvri cun nus ensemen istorgias prest emblidadas e discurri cun nus davart quai ch’ans collia – ier sco er oz.
Ina saira divertenta, da cumpagnia e cordiala per tut quellas e quels che guardan gugent enavos per chapir meglier l’oz.
L'occurrenza è publica – l'entrada è libra.
Nus ans legrain da Vossa visita – e da scuvrir ensemen cun Vus ulteriuras perlas or da l'archiv.