Saira da films or da l'archiv - Scuol ier ed oz – in viadi tras il temp

L'archiv audiovisual da RTR è plain istorgias, inscunters e perlas che reflecteschan la vita da mintgadi ed il svilup da nossa regiun durant blers decennis. Questa saira speziala a Scuol avrin nus ensemen la porta a quels documents da pli baud.

Armon Schlegel, correspondent per l’Engiadina e Jachen Prevost, collavuratur da «nossaistorgia», mainan tras la saira e mussan ina selecziun da perlas d'archiv che purtreteschan Scuol e conturns en differents temps. Ensemen guardain nus enavos sin umans, tradiziuns e muments che furman ina part da l'identitad regiunala. Sin il program èn films curts e pli lungs davart Men Rauch, Clà Biert, ils fotografs Feuerstein, l’hom strom e Chalandamarz, ils bogns e las funtaunas mineralas, las pendicularas, il mulin da Ftan ed il chastè da Tarasp.

Perlas d'archiv da Scuol

Scuvri cun nus ensemen istorgias prest emblidadas e discurri davart quai che ans collia – ier sco er oz.

Ina saira divertenta, da cumpagnia e cordiala per tut quellas e quels che guardan gugent enavos per chapir meglier l’oz.

L'occurrenza è publica – l'entrada è libra.