Siglir tar il cuntegn

Header

Late Lounge Live – die erste musikalische Late Night Show vom rätoromanischen Sender RTR
Legenda: Late Lounge Live – l'emprima late night show musicala RTR
cuntegn

Nova show musicala Late Lounge Live

«Late Lounge Live», u era numnà curt LLL, è l’emprima ed unica late night show musicala.

Ina saira d'inscunter tranter chantaduras e musicists rumantschs ed il public. En la Lounge da RTR Radiotelevisiun Svizra Rumantscha pon ils acts rumantschs preschentar sasez e lur musica live avant in public exclusiv limità ubain via livestream sin rtr.ch/lll ad in public pli vast. L’emprima «Late Lounge Live» ha lieu venderdi, ils 25-03-2022 a las 20:00 cun Pascal Gamboni.

Durant rodund in’ura datti da giudair musica dal Tuatschin. En in discurs cun il moderatur da RTR, Elias Tsoutsaios, raquinta el da sia via musicala da ses projects actuals e chanta chanzuns dals ultims onns. L'emissiun ha in caracter da «late night show», nua ch'i dat in mix tranter musica, clips e discurs.

Erste Late Lounge Live Show von RTR mit Pascal Gamboni und dem RTR-Moderator Elias Tsoutsaios
Legenda: Late Lounge Live cun Pacal Gamboni ed Elias Tsoutsaios RTR

 «Dapi onns dat la musica grischuna e rumantscha en il tun tar RTR. Nus vulain promover ed accumpagnar il stgazi cultural, laschar viver las tradiziuns ed unir las differentas generaziuns cun la musica. Cun l’occurrenza dain nus a talents da musica la pussaivladad da sa preschentar, raquintar lur istorgia e da vegnir scuverts d'in public vast era sur ils cunfins linguistics ora. Nus ans legrain fitg sin quest nov format», di Danilo Bavier, manader da project tar RTR.

 Il public po suandar il concert en duas furmas. Digital via livestream sin rtr.ch/lll ubain live al lieu. Las plazzas per la «Late Lounge Live» èn limitadas. Tgi che vul suandar il concert po gudagnar bigliets via Radio RTR, il chanals socials ubain la newsletter da RTR. La finamira è d’organisar ina giada al mais ina «Late Lounge Live». La proxima show ha lieu ils 29 d’avrigl 2022 cun URSINA.

Late Lounge Live – 25.03.2022

Artitgels legids il pli savens

Scrollar a sanestra Scrollar a dretga