Siglir tar il cuntegn

Header

Gruppa d'uffants posescha per foto avant la claustra a Müstair.
Legenda: Minisguard sin visita a Müstair. RTR
cuntegn

21-11-2022, 17:00 Minisguard sin visita a Lantsch

Dals 21 fin ils 24-11-2022 visita il «Minisguard» las scolaras ed ils scolars da Lantsch. Ensemen cun las redacturas ed ils redacturs da RTR preparan e realiseschan ils uffants da Lantsch lur atgna emissiun che vegn emessa sonda, ils 27-11-2022 a las 17:40 sin SRF1.

Co vegn l'emissiun da «Minisguard» realisada? Co fan ins intervistas? Tge dovri tut per far uschia in'emissiun? Collavuraturas e collavuraturs da RTR mussan e realiseschan ensemen cun ils scolars e las scolaras da Lantsch in'emissiun. Ils uffants emprendan durant differents workshops co far contribuziuns, creeschan in «studio» extern, modereschan, emprendan co che la tecnica funcziuna e fan il marketing per lur emissiun.

Premiera da l'emissiun

Sco finiziun da l’emna envidan ils uffants ed il team dal Minisguard geniturs, parents ed enconuschents ad ina premiera. Da cumpagnia vegnan guardadas las contribuziuns producidas dals uffants.

  • Cura: Gievgia ils 24-11-2022 a las 17:00
  • Nua: Scola primara Lantsch

L’emissiun da Minisguard producida tuttafatg en la scola da Lantsch vesais Vus sonda, ils 27-11-2022 a las 17:40 sin SRF 1 ubain cura e nua che Vus vulais sin rtr.ch u via l’app «Play RTR».

Artitgels legids il pli savens

Scrollar a sanestra Scrollar a dretga