Siglir tar il cuntegn

Header

audio
«Missiun B» va en la segunda runda – l'ura biodiversa tar RTR
Or da Actualitad dals 20.03.2020.
laschar ir. Durada: 53:07 minutas.
cuntegn

... er en Voss curtin Temp da primavaira – temp per «Missiun B»

Passa 1 milliun meters quadrat nova surfatscha biodiversa han Svizzers e Svizras gia creà. Quai dapi precis in onn cura che tut las unitads da la SRG SSR han lantschà l'acziun per dapli biodiversitad. Grazia fitg! Ed uss: Nus cuntinuain ensemen cun Vus.

En l'ura biodiversa avain nus lantschà la segunda runda da la «Missiun B». Ma avant che as deditgar ad anc dapli surfatscha, projects e ideas biodiversas avain nus dà in sguard enavos sin l'emprim onn da l'acziun naziunala. Entant èn gia var 6'000 projects pli gronds or da 1'500 vischnancas da l'entira Svizra vegnids inoltrads sur missiunb.ch, il link avra en ina nova fanestra.

Questiunari fitg positiv

Per sia lavur da bachelor ha Sbrina Stettler da la Scol'auta turitgaisa per scienzias applitgadas (ZHAW) analisà il project e ses effect cun in questiunari tar 869 persunas da l'entira Svizra. Qua intgins dals resultats:

  • En la Svizra orientala, il chantun da Turitg ed il chantun Friburg ha la glieud creà las pli bleras novas sufatschas biodiversas en relaziun cun il dumber d'abitantAs. Il Grischun è sin plazza 19 en la glista dals chantuns.
  • 50% da las surfatschas èn tranter 10 m² e 100 m², 40% èn pli pintgas che 10 m² e 10% èn pli grondas che 100 m²
  • Passa 90% da las surfatschas han persunas privatas creà. Ma er vischnancas, fatschentas e scolas sa participeschan.
  • 3/4 dals participants e perticipantas han tranter 30 e 50 onns
  • La gronda part da las surfatschas da «Missiun B» sa chatta en curtins. Sin passa in terz dad ellas hai 20 e dapli sorts da fluras.
  • En spazis fitg populads nua che blera surfatscha biodiversa è ida a perder, ha la glieud creà en relaziun fitg bleras surfatschas novas. En quels lieus en quellas da spezialmain auta valur per la natira.

Facit general da l'autura Sabrina Stettler

Textbox aufklappenTextbox zuklappen

Ils resultats dal questiunari èn fitg positivs. Nus vesain che l'interess per il project è vast. Sin blers champs pari da funcziunar bain. Il fatg che giuven e vegl sa participescha, mussa ch'il tema occupa la glieud e motivescha da vegnir activs.

Ussa vai persuenter da porscher infurmaziuns a moda anc pli directa a tschertas gruppas da participantAs. Quai per animar vischnancas, fatschentas, scolas, manaschis agriculs e persunas cun terassas da sa participar anc pli stediamain.

Dapli dal questiunari e l'evaluaziun chattais qua tar srf.

#perVus: Nus faschain voss curtin pli biodivers

En la segunda part da nossa ura biodiversa avain nus sclerì per ina tge che las horticulturas u centers da curtin porschan uss en questa situaziun cun il coronavirus.

Per l'autra hai er dà tips e trics per in curtin biodivers e tge preparativas u er lavurs en curtin ch'ins po tut tenor gia far al cumenzament da la primavaira.

Ed il pli impurtant sco ultim: Vus pudais gudagnar in pachet per far ina part da Voss curtin, Vossa terrassa u er Voss tetg pli biodivers. Durant 1/2 di vegn la botanicra e biologa Constanze Conradin tar Vus e cusseglia tge ch'ins pudess far bel e dal bun per la natira. Latiers tutga er anc in bun en la valur da 200 frs. per gist metter ils cussegls en la partica. Dapli chattais en l'artitgel qua sut.

RTR, actualitad 11:00

Artitgels legì il pli savens

Nach links scrollen Nach rechts scrollen