Siglir tar il cuntegn

Header

video
Missiun B – Tips per dapli biodiversitad en curtin
Or da RTR Social dals 12.05.2020.
laschar ir
cuntegn

Il curtin a Danis Dapli biodiversitad en iert

Mardi avantmezdi, ils 12 da matg, ha il victur da nossa concurrenza da curtin survegnì visitas da la biologa e botanicra da Ramosch, Constanze Conradin. En ses grond curtin a Danis ha ella cusseglià Ermano Tuor. Accumpagnada d'in pitschen team da RTR.

Avant che cumenzar cun propostas e lavurs concretas èsi stà d'emprender d'enconuscher in l'auter e da sa far in maletg dal curtin. Co guardi ora? Tge è nua? U nua èn forsa gia chaussas avant maun ch'ins po integrar en las ideas? Natiralmain avain nus era vulì savair tge che tuts spetgan da l'avantmezdi, tant dal profi Constanze Conradin, ma er dal possessur dal curtin, Ermano Tuor.

Cun in bloc plain ideas èsi ì tar l'ortulan Gion Rudolf Caduff a Sagogn. El posseda tranter auter ina gronda plantera er cun differentas chaglias e plantas indigenas. En il discurs communabel èn la finala tuts sa decidids per quatter chaglias:

  • Lantagen
  • Rosa chanina
  • Vinatscha
  • Chagliamorta naira

Quellas porschan spazi da viver ad tgirallas ed utschels ma er auters insects. Plinavant portan ellas fritgs e fluras en differentas colurs.

Enavos en curtin... a la lavur

Enavos en curtin vai vi dal plantar en il lieu che l'experta ha tschernì ensemen cun il possessur, Ermano Tuor. Il cumenzament fan els cun la vinatscha en ina pitschna spunda gist dasper la chasina da tomatas. Latiers hai era dà explicaziuns per tge che la chaglia èn buna ma er tge tgira ch'ellas dovran per prosperar.

video
Missiun b - Plantar la chaglia en il curtin
Or da RTR Social dals 13.05.2020.
laschar ir

La damaun cun arrivar a Danis enturn las 08:00 uras han bain tuts pensà als sontgs da glatsch ch'èn sa mussads en temperaturas pli fraidas ed ina fina cuverta da naiv sin ils pigns en ils auts. Ma gia curt pli tard è il sulegl sa mussà ed ha stgaudà pulit il curtin a Danis. Uschia ch'ils sotgs fraids n'han betg chaschunà pli gronds problems.

Las chaglias giuvnas èn però be stadas l'emprim pass. Uschia ha Constanze Conradin dà ulteriuras ideas e propostas tge ch'Ermano Tuor pudess anc realisar per la biodiversitad en ses curtin. Tips e cussegls ch'il possessur dal curtin e sia dunna han nudà ed er discussiunà cun la botanicra e biologa. A la fin han tuts tratg in facit ordvart positiv, malgrà ch'ins avess anc pudì lavurar, pilosofar e giudair ditg en il grond curtin a Danis.

Il program en survista:

  • Ca. 08:10 – 09:00: Emprender d'enconuscher, giavischs ed aspectativas, situaziun actuala dal curtin
  • Ca. 09:15 – 10:15: Visita en la plantera da l'ortunan Gion Rudolf Caduff a Sagogn
  • 11:00 – 12:00: Live ord curtin cun plantar, ulteriurs tips e cussegls dal profi e per finir il facit ed ils plans per l'avegnir en curtin
video
Missiun B – Tar Ermano Tuor en curtin
Or da RTR Social dals 13.05.2020.
laschar ir

«Missiun B» – per dapli biodiversitad

«Missiun B» – per dapli biodiversitad

RTR ura biodiversa Missiun B 11:00

Artitgels legids il pli savens

Scrollar a sanestra Scrollar a dretga