Siglir tar il cuntegn

Header

cuntegn

La racolta al Plantahof 120 tonnas maila mintg'onn

La canorta da «Missiun B» ha danovamain prendì il bus d'emetter ed è sa messa sin via. Fermada avain nus fatg al Plantahof a Landquart – il center da furmaziun e cussegliaziun agricula dal Grischun.

Il center da scolaziun per puras e purs è in lieu cun ina lunga tradiziun. Dapi 120 onns datti numnadamain la scola d’agricultura dal Grischun e perquai il lieu ideal per discurrer – ussa il settember – sur da la racolta.

audio
5avla Canorta «Missiun B» – Live dal Plantahof a Landquart
ord Actualitad dals 20.09.2019.
laschar ir. Durada: 56 minutas 13 Secundas.

La racolta da maila

Joshua Pinggera fa il giarsunadi sco specialist da fritgs. El emprenda d'emplantar novas plantas, el tgira ils pumers existents e surtut racolta el ils mails, la paira ed ils auters fritgs. Al Plantahof datti 102 sorts maila. Quels han ins chattà en tut il chantun e manà els a Landquart.

audio
Discuors cun l'emprendist da pomicultur Joshua Pinggera
ord Actualitad dals 20.09.2019.
laschar ir. Durada: 5 minutas 22 Secundas.

Cunquai ch'il Plantahof racolta circa 120 tonnas maila mintg'onn dovra il cente da furmaziun in local spezial per magasinar la maila, declera Batist Spinatsch.

audio
Mantegnair maila per l'auter onn: deposit da CA al Plantahof
ord Actualitad dals 20.09.2019.
laschar ir. Durada: 3 minutas 51 Secundas.

La racolta da vin

Las emprimas ivas hajan els gia racoltà - quellas per il vin alv, raquinta il cussegliader da vin dal Plantahof Moritz Villinger. Fin uss saja el cuntent cun la racolta e spetgia cun brama sin il vin cotschen. I saja dentant anc memia baud per giuditgar la qualitad dal vin 2019.

audio
Datti quest onn in bun vin? Discuors cul schef-cussegliader da vin Moritz Villiger.
ord Actualitad dals 20.09.2019.
laschar ir. Durada: 3 minutas 31 Secundas.

La racolta da miel

La primavaira saja la racolta stada nauscha - la stad haja dentan dà dapli miel. Uschia resumescha Roland Ungricht , il schef-apicultur dal Plantahof, l'onn enfin ussa.

Ils avieuls ch'han lavurà durant la stad moran uss, novs avieuls che tgiran durant l'enviern la masaina naschan e cumenzan a sgolar. In pau hectica datti durant quest temp adina.

audio
Avieuls selvadias èn sutvalitadas – Discurs cun Roland Ungricht, schef-apicultur.
ord Actualitad dals 20.09.2019.
laschar ir. Durada: 5 minutas 17 Secundas.

«Missiun B» – per dapli biodiversitad

Avrir la box Serrar la box

RR actualitad 11:00

Artitgels legids il pli savens