Tips e trics - Uss è temp da far iert - Novitads

Tips e trics Uss è temp da far iert

Ils dis vegnan pli lungs, las emprimas flurs cumenzan a chatschar ed i daventa da di tar di pli chaud. La primavaira è arrivada ed uschia era la veglia da plantar flurs ed implants en l'iert. Nus avain mess ensemen per Vus in pèr tips d'orticulturas per lavurs ch'ins savess far uss en iert.

Autur: Lucia Parolini

En valladas situadas pli autas n'è la primavaira anc betg arrivada cumplainamain, uschia ch'ins sto avair anc in zic pazienza cun plantar rauba. Là pon ins far urden en iert, tagliar plantas ch'ins n'ha betg taglià l'atun e preparar tut per cura ch'igl è uschè lunsch.

audio

Tips e trics per la lavur en iert

02:17 min, Actualitad dals 20.03.2020.

laschar ir. Durada: 02:17 minutas.

Cura che la naiv è lura davent san ins plantar las emprimas flurs da primavaira, sco chalamandrins, narcissas, violas e dapli.

Maletg 1 / 6

Legenda: primulas violetas RTR, Lucia Parolini

Maletg 2 / 6

Legenda: violas RTR, Lucia Parolini

Maletg 3 / 6

Legenda: narcissas melnas RTR, Lucia Parolini

Maletg 4 / 6

Legenda: primulas alvas RTR, Lucia Parolini

Maletg 5 / 6

Legenda: violas RTR; Lucia Parolini

Maletg 6 / 6

Legenda: chalamandrin Keystone

Sch'ins abita en regiuns pli bassas san ins gia cumenzar a metter en implants da flurs da primavaira, implants da salata ed era ervas. Era per trair sez plantinas è uss in bun mument.