Siglir tar il cuntegn

Header

video
Ucrainaisas ed Ucrainais en Grischun sustegnan
Or da Telesguard dals 09.03.2022.
laschar ir. Durada: 4 minutas 47 Secundas.
cuntegn

Agid per l'Ucraina Solidaritad munta er blera lavur

Retus Sgier è in dals chaus da l'uniun «Agid per l'Ucraina en il Grischun». Sco suprastant è el dapi il cumenzament da guerra, quasi di e notg, vid organisar l'agid davent dal Grischun.

En il «Stockercenter» en la via da Masans a Cuira vegn ina gronda part da la rauba d'agid dal Grischun ensemen. Rauba ord differentas regiuns grischunas che duessan, la fin finala, chattar la via tar la populaziun da l'Ucraina.

Retus Sgier è in dals chaus sch'i va per l'agid per l'Ucraina en il Grischun. El è suprastant da l'uniun «Agid per l'Ucraina en il Grischun». El è ina da las persunas che coordineschan la lavur e che guardan che la rauba chatta la via tar la populaziun ucranaisa.

audio
Agid Ucraina: Solidaritad en il Grischun è gronda
ord Actualitad dals 09.03.2022.
laschar ir. Durada: 3 minutas 46 Secundas.

Relaziun persunala cun l'Ucraina

I ha er motivs persunals daco che la guerra en l'Ucraina va fitg datiers Retus Sgier. Il Sursilvan ch'abita a Landquart è maridà cun ina dunna ucranaisa e sia sira è anc adina en l'Ucraina. Suenter in emprim mument da schoc avant duas emnas cura che la guerra ha cumenzà, ha el ditg a sasez: «I sto marschar insatge». Dapi lura s'engascha Retus Sgier per la populaziun ucranaisa. Di per di coordinescha el l'entira acziun en il Grischun. El di dentant era ch'i na giess betg senza voluntaris. Mintga di gidan 20-50 persunas da zavrar e da far urden cun la rauba ch'arriva tar els. La solidaritad sa mussa pia da tuttas varts.

Acziun da solidaritad era en Surselva

video
Acziun da solidaritad per l'Ucraina en Surselva
Or da Telesguard dals 11.03.2022.
laschar ir. Durada: 2 minutas 19 Secundas.

RTR actualitad 08:00

Artitgels legids il pli savens