Siglir tar il cuntegn

Header

audio
Chadaina da Fortuna: Per tge vai? Ina survista
Or da Actualitad dals 09.03.2022.
laschar ir. Durada: 4 minutas 19 Secundas.
cuntegn

Chadaina da Fortuna Svizras e Svizzers doneschan 82,5 milliuns francs a l'Ucraina

En vista a la crisa umanitara en l'Ucraina ha la Chadaina da Fortuna appellà d'esser solidaric cun la populaziun ucranaisa. Ils 09-03-2022 è stà il di da solidaritad per l'Ucraina, l'entir di è vegn rimnà daners. La finala èsi stà radund 51 milliuns francs.

video
Chadaina da Fortuna: La solidaritad è gronda
Or da Telesguard dals 09.03.2022.
laschar ir. Durada: 58 Secundas.

La populaziun da l’Ucraina stat tuttenina avant in futur intschert. Tschientsmillis èn sin la fugia – cunzunt dunnas ed uffants tschertgan refugi en ils pajais vischins. Las consequenzas da l'offensiva militara da la Russia encunter l'Ucraina sajan sa pegiuradas, scriva la Chadaina da Fortuna. Per dumagnar la crisa umanitara ch’i vegn a dar tras questa crisa appellescha la Chadaina da Fortuna a la solidaritad cun la populaziun ucranaisa.  

Al di da collecta han Svizras e Svizzers donà passa 51 milliuns francs per gidar la populaziun ucranaisa. En tut ha la Chadaina da Fortuna pudì rimnar en Svizra fin ussa passa 82,5 milliuns francs per gidar Ucranaisas ed Ucranais.

audio
Ina donaziun da 5 milliuns francs!
ord Actualitad dals 09.03.2022.
laschar ir. Durada: 58 Secundas.

En in’emprima fasa vegn la Chadaina da Fortuna a concentrar ses agid sin las terras vischinas che prendan si fugitivs da l’Ucraina. Blers umans èn fugids be cun il pli necessari e sa chattan en alloschis provisorics, staziuns, bajetgs publics u – sch’els han fortuna – tar parents ed enconuschents. Il pli urgent dovran quests umans vivonda, suttetg, products d’igiena e provediment medicinal.

audio
Chadaina da Fortuna: Iniziativas privatas, donaziun da rauba
ord Actualitad dals 09.03.2022.
laschar ir. Durada: 4 minutas 59 Secundas.

La Chadaina da Fortuna lavura ensemen cun ses partenaris sco per exempel Caritas, Crutsch Cotschna, HEKS, Helvetas, Medair, Medis senza cunfins, Terre des hommes. Questas organisaziuns giuditgeschan la situaziun e fan tut il pussaivel per organisar il dretg agid.  

audio
Chadaina da Fortuna: Nua van las donaziuns?
ord Actualitad dals 09.03.2022.
laschar ir. Durada: 5 minutas 4 Secundas.
audio
Success da rimnada – co vinavant?
ord Actualitad dals 12.03.2022.
laschar ir. Durada: 2 minutas 4 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga