Siglir tar il cuntegn

Header

audio
«Nus na bandunain betg la populaziun ucranaisa»
Or da RTR Audio dals 25.02.2022.
laschar ir. Durada: 14 Secundas.
cuntegn

Guerra «L'attatga sin l'Ucraina è in'attatga sin la democrazia»

La Svizra è pronta per prender si fugitivs da l’Ucraina. Ella na laschia betg a mesa via las Ucranaisas ed ils Ucranais. Quai ha ditg la ministra da giustia, Karin Keller-Sutter.

La Svizra vegn a sa barattar cun ils stadis commembers dal spazi Schengen ed a sa participar vi da la «solidaritad da l’entir’Europa». Er ils chantuns sajan s’exprimids a moda positiva en chaussa. Dapli detagls n’ha la cussegliera federala Karin Keller-Sutter dentant betg dà.

In di trist sco ditg betg pli

Cun las acziuns russas en l'Ucraina ha cumenzà sin terren europeic in conflict armà. Il Cussegl federal appellescha a las partidas involvidas da respectar il dretg internaziunal. La Russia haja cuntrafatg al scumond da violenza ed il principi territorial.

audio
Suenter l’attatga russa sin l’Ucraina discurra il Cussegl federal d’in di trist
ord Actualitad dals 24.02.2022.
laschar ir. Durada: 2 minutas 53 Secundas.

Quai ch'appartegn sancziuns ha il Cussegl federal decidì ina posiziun pli dira. El augmenta las mesiras cunter emprovas da guntgir las sancziuns da l'UE en la Svizra. En il sectur da finanzas e da viagiar suonda la Svizra per gronda part a la posiziun da l'Uniun europeica.

video
Ignazio Cassis: «La politica da pussanza renascha»
Or da News-Clip dals 24.02.2022.
laschar ir. Durada: 34 Secundas.

Ambassada a Kiev evacuada

Cura ch'i era vegnì enconuschent che l'armada Russa era arrivada a Kiev, è l'ambassada svizra vegnida evacuada. Quai per garantir la segirezza da las collavuraturas e dals collavuraturs. Intginas persunas èn dentant restadas enavos per pudair garantir vinavant quai che auters stadis na pon betg pli: Ch'il dialog cun la Russia possia cuntinuar.

RTR novitads 17:00

Artitgels legids il pli savens

Scrollar a sanestra Scrollar a dretga