Las preparativas per il proxim Forum mundial d'economia a Tavau, ch'ha lieu quest onn la fin da matg – han cumenzà. Ils emprims schuldads sajan vid realisar il dispositiv da segirezza, quai scriva il Departament federal da defensiun. Il parlament aveva fixà che maximal 5'000 commembers da l'armada dastgan star a disposiziun. A Tavau sez sa chatta dentant mo ina pitschna part da quels. Ina maioritad è en acziun tar l'aviatica militara u er en la logistica en auters lieus. Il responsabel suprem per la segirezza dal WEF è il cumandant da la Polizia chantunala dal Grischun Walter Schlegel.
Pervia da la pandemia è il WEF 2022 vegni spustà. Il forum ha lieu dals 22 enfin ils 26 da matg.
Ord l'archiv
video
La polizia ha infurmà davart la segirtad al WEF
Or da Telesguard dals 21.01.2019.
laschar ir. Durada: 2 minutas 21 Secundas.
