Siglir tar il cuntegn

Header

audio
WEF: nova data è fixada (22 enfin 26 da matg)
Or da Actualitad dals 22.01.2022.
abspielen. Laufzeit 3 minutas 33 Sekunden.
cuntegn

Matg empè da schaner Forum mundial d'economia spustà sin il matg

Il Forum mundial d’economia duai tuttina anc avair lieu quest onn. Sco ils organisaturs dal WEF han communitgà, duai quel vegnir realisà tranter ils 22 e 26 da matg a Tavau.

Atgnamain avess l’inscunter economic giu lieu durant quest’emna. Pervia da la derasaziun da la varianta omicron, avevan ils organisaturs dentant gia decis il december da vulair spustar l'inscunter. Suenter dus onns cun inscunters virtuals, sa stoppian las persunas da cader ord politica, economia e societad civila puspè s'inscuntrar persunalmain.

Uschia vegn cità Klaus Schwab, il fundatur dal WEF. Il motto dal forum saja «lavurar ensemen, reconstruir fidanza». Sin la glista da temas centrals da l'inscunter sajan tranter auter la pandemia, il cumbat cunter la midada dal clima e da construir in meglier futur per lavurar. L'inscunter vegn ad esser l'emprima occurrenza cun persunas da cader da tut il mund dapi l'entschatta da la pandemia.

Grond levgiament per Landamma

Per la vischnanca da Tavau saia quai in levgiament, di il Landamma Philipp Wilhelm. Els hajan vinavant sperà, ch'i sa tracta quest onn d'in spustament e betg d'ina annullaziun.

audio
Philipp Wilhelm: «In grond levgiament»
aus RTR Audio vom 21.01.2022.
abspielen. Laufzeit 21 Sekunden.

Dentant sche la situaziun da pandemia na lubesch, pudess era il WEF il matg vegnir annullà. Dapli 2 onns n’ha pli gì lieu il WEF a Tavau.

RTR novitads 16:00

Artitgels legids il pli savens

Scrollar a sanestra Scrollar a dretga