Siglir tar il cuntegn

Header

video
Installaziun da fotografias da Jules Spinatsch a Tavau
Or da Telesguard dals 17.01.2022.
laschar ir. Durada: 2 minutas 31 Secundas.
cuntegn

WEF in zic auter Art enstagl dal Forum mundial d’economia

Giatters da segirezza, bodyguards, politichers, politicras, economas ed economs da num e da pum – normalmain fiss quai uss il maletg actual a Tavau. Però pervi da corona n’ha quel er quest onn betg lieu en la furma usitada.

Tuttina, dal tuttafatg senza na vai betg. L’artist Jules Spinatsch ch’è creschì si a Tavau, deditgescha in’installaziun da fotografias al Forum mundial d’economia. Sin ina plazza amez Tavau mussa el 23 fotografias dal WEF 2020. Lura ha el numnadamain documentà cun ses apparat da fotografar l’inscunter a Tavau. Ses focus: ils fabricats provisorics durant il WEF.

In auter mund

Cun las fotografias da quests provisoris vul Jules Spinatsch mussar, co Tavau sa transfurma durant ils dis dal WEF. Firmas ed organisaziuns internaziunalas piglian a fit per exempel butias localas, e las midan tenor lur basegns. Uschia daventa or da Tavau ina sort mund parallel.

Impuls per ponderaziuns

Cun las 23 fotografias, per parts sin dats movibels e per part sin tailas grondas, vul Spinatsch dar in impuls per ponderaziuns sur dal WEF. Positivas u negativas, basta ch’i vegnia discutà sur da  l’inscunter a Tavau.

RTR Telesguard 17:40

Artitgels legids il pli savens