Siglir tar il cuntegn

Header

cuntegn

Cartel da construcziun Segunda refusa per plant dad Orlando Zegg

Il derschader regiunal da l'Engiadina Bassa e Val Müstair, Orlando Zegg, n'ha gì nagin success cun ses plant pertutgant pretensiuns, che l'advocat dal whistleblower Adam Quadroni ha fatg. Sco l'Uffizi d'inquisiziun Gossau ha era la chombra d'accusaziun dal chantun Son Gagl refusà il plant, scrivan las gasettas da la Somedia.

Orlando Zegg aveva purtà plant pervi da disfamaziun. El avevan disturbà pretensiuns da l'advocat dad Adam Quadroni, fatgas en il film documentar «Der Preis der Aufrichtigkeit». Là haja l'advocat descrit el faussamain sco «corrupt» e «partischant», pretenda il derschader regiunal Orlando Zegg.

La chombra d'accusaziun n'è però betg ida d'accord ed ha refusà il plant. Zegg po anc trair enavant la sentenzia a la Dretgira federala.

audio
Per tadlar curt e cumpact
ord RTR Audio dals 22.12.2021.
laschar ir. Durada: 54 Secundas.

RTR novitads 06:00

Artitgels legids il pli savens