Albula/Alva, Surses e las ovras electricas da Turitg EWZ han suttascrit la cunvegna per prolungar la concessiun per l'ovra electrica da Casti vest enfin il 2050.
Entradas da 12,5 milliuns
Las duas vischnancas en il Surmeir avevan gia dà il november passà lur consentiment per la suttascripziun. Per avair prolungà la concessiun pon las duas vischnancas ed il chantun quintar cun entradas da passa 12,5 milliuns francs.
Ina collavuraziun da blers onns
L'EWZ nizzegia en l'ovra electrica da Casti vest la forza idraulica da la Gelgia per la producziun d'electricitad. La concessiun per quai ha ella acquistà il 1944 – il fanadur fiss quella scrudada. Suenter negoziar per nov onns, han ils represchentants da las trais partidas suttascrit oz ils contracts per pudair prolungar la concessiun per ulteriurs 28 onns.