Siglir tar il cuntegn

Header

audio
Black Friday: Raschuns per problems da furniziun
Or da Actualitad dals 26.11.2021.
abspielen. Laufzeit 4 minutas 1 Sekunde.
cuntegn

Chadainas da furniziun Problems da furniziun

Sin l'entir mund datti problems da furniziun da products d'electronica da divertiment e microchips. Pervia da la pandemia èn las chadainas da furniziun interrutas.

Plirs facturs cumplitgeschan il commerzi global: Lockdowns, stops da producziun e logistica bloccada, surtut tar la vitgira maritima. Davant ils gronds ports asiatics, americans ed era en l’Europa datti grondas colonnas da navs da vitgira. Ord motivs da restricziuns da corona na pon ins betg lavurar là uschè speditiv sco normalmain. Vitiers vegn per part anc ina mancanza da camiunists. Cun quai che 80% dal commerzi global capita sin via nautica datti stretgas da tuttas varts.

Microchips mancan

La pli gronda part dals microchips vegn producida en l'Asia. Pervia da stops da producziun durant la pandemia e la gronda dumonda na vegn la producziun betg suenter. Per consequenza ston ins quintar cun fin plirs mais retard tar tut ils artitgels che cuntegnan in microchip sco per exempel telefonins ed electronica da divertiment. I vegnia a cuzzar pli ditg fin che las chadainas da furniziun e la producziun èn sa revegnidas e funcziunan puspè sco avant la pandemia.

audio
Problems da furniziun tar Black Friday – exempel Weta
aus Actualitad vom 26.11.2021.
abspielen. Laufzeit 3 minutas 3 Sekunden.

Weta radio e televisiun AG

Era la Weta AG, ch'ha la fatschenta principala a Tusaun ed ina filiala a Cuira, registrescha problems da furniziun da divers products electronics. L'emprim sajan ils clients per part ids en autras stizuns per cumprar lur product desiderà. Entant haja la clientella capientscha che betg tut ils products sajan disponibels, il problem saja enconuschent. Tuttas fatschentas d'electronica hajan il medem problem. Mintga di quintian els cun furniziuns dad empustaziuns ch'hajan retard. Quant ditg ch'i giaja na possian er ils furniturs betg dir. Per dar cunterpaisa a las stretgas emprova il mainafatschenta Carlo Tannò d'emplenir ils depos uschè bain sco pussaivel. Ins stoppia ponderar tge products che sajan dumandads tar la clientella e lura cumprar quels sin reserva. Quai saja er ina gronda sfida finanziala.

Um en ina stizun d'electronica
Legenda: Carlo Tannò. RTR, Giana Maria Cantieni

RTR actualitad 07:00

Artitgels legids il pli savens

Scrollar a sanestra Scrollar a dretga