Siglir tar il cuntegn

Header

video
Buis enstagl ghitarra – part 4
Or da Telesguard dals 17.09.2021.
laschar ir
cuntegn

A chatscha cun Mattiu Defuns Buis enstagl ghitarra – la davosa part

En quatter parts accumpogna il Telesguard il giuven da 23 onns tar sia segunda passiun sper il chantar. Quella parta el cun ses frar Jan che va era cun el a chatscha e cun il bab ch'è er adina puspè en chamona.

Il territori da la gruppa Defuns sa chatta en Surselva sur Breil a Burleun ed en la Val Frisal. Tant Mattiu sco er ses frar Jan han fatg la patenta da chatscha cun 18 onns. Jan Defuns va uss l'endeschavel, Mattiu il tschintgavel onn a chatscha.

Ils prims dis èn ils dus giuvens sa mess sin ils fastizs dals chamutschs enturn il Piz d'Artgas che sa chatta sin passa 2'700 m. s. m. Las turas siador en la grippa èn las preferidas dals dus giuvens, oriunds da Trun. La bun'aura e cunzunt las temperaturas miaivlas n'èn però betg stadas cundiziuns optimalas per la chatscha da chamutschs. Uschia han ils dus giuvens bain chattà bucs da chamutsch ma las chauras han plitost mancà.

Sper la chatscha da chamutschs na dastga quella da chavriels e tschiervs però er betg mancar.

La seria da chatscha 2021

Avrir la box Serrar la box

Il Telesguard accumpogna quest onn Mattiu Defuns tar sia segunda passiun. Quai en quatter parts – dals prims dis en la grippa sin ils fastizs dals chamutschs, sur las sairas en chamona fin tar... forsa ina bella preda.

Da vesair da mardi fin venderdi en il Telesguard a las 17:40 sin SRF1.

Betg mo la preda quinta

Jan e Mattiu Defuns èn bain chatschaders ambizius ma er il giudair las sairas en chamona tutga tiers. Magari er cun ina chanzun u l'autra. Il chantadur Mattiu, nizzegia il temp da chatscha er per rimnar energia ed inspiraziun per la musica.

RTR Telesguard 17:40

Artitgels legids il pli savens

Scrollar a sanestra Scrollar a dretga