Il chantun noda actualmain en il Partenz cifras da corona che creschan fitg. In lieu pertutgà saja tranter auter l'Ospital regiunal a Schiers. Dapli glieud haja stuì ir en l'ospital e la staziun da pandemia a Schiers saja stagn emplenida, scriva l'Uffizi da sanadad dal Grischun. E perquai che persunal da l'ospital saja vegnì testà positiv, saja obligatoric da purtar mascrinas dal tip FFP2.
Actualmain è radund ⅓ dals cas activs en il Grischun dal Partenz.
Uffizi recumonda: Tests consequents e mascrinas en scolas
Cunquai che las scolas cumenzan puspè l'emna che vegn, recumonda l'uffizi per sanadad a las scolas da la regiun da testar scolaras e scolars consequentamain e d'introducir obligatoris da mascrinas ad interim. Plinavant appellescha l'uffizi da mantegnair las reglas da distanza e d'igiena, e dad evitar fullas da glieud.