Dapli canortas e dapli traffic public – quai èn las spetgas a la politica che RTR ha rimnà dacurt en dus lavuratoris. Persunas ord differentas branschas, da differentas regiuns e vegliadetgnas han discutà animadamain enfin da vegnir a questas pretensiuns.
En in proxim pass ha RTR clamà politicras e politichers ad in inscunter: Mintga partida grischuna ha pudì nominar ina represchentanta ubain in represchentant per discutar las pretensiuns, valitar ellas e porscher schliaziuns.
- Linus Peter, Partida socialdemocratica e la Partida verda
- Clemens Berther, l'Allianza dal Center
- Nora Saratz Cazin, Partida verd-liberala
- Hanspeter Bundi, Partida liberaldemocratica
- Reto Rauch, Partida populara
Sa chapescha n'èn canortas e traffic public betg las sulettas tematicas che fatschentan il Grischun. Perquai han la politicra ed ils politichers er anc respundì 15 dumondas en ina runda sperta.