Siglir tar il cuntegn

Header

cuntegn

Coronavirus Uss pon ins annunziar uffants per vaccinar en il Grischun

La vaccinaziun cunter Covid-19 vegn recumandada per uffants da 5 fin 11 onns, sche lur geniturs u lur persunas responsablas per l'educaziun giavischan quella. Spezialmain vegn recumandà da vaccinar uffants che han gia in grond disturbi da la sanadad pervia d'ina malsogna cronica u sche persunas cun in sistem d'immunitad indeblì vivan en lur conturn. Quai communitgescha la chanzlia chantunala.

Emprims termins a partir dals 08-01-2022

L'annunzia per la vaccinaziun d'uffants pon ins far online sur la pagina d'internet dal chantun. Ils emprims termins èn disponibels a partir da sonda, ils 8 da schaner 2022. L'immunisaziun cumpiglia duas vaccinaziuns da Pfizer/BioNTech en in interval da 28 dis. Ina dosa singula dal vaccin correspunda ad in terz d'ina dosa per persunas creschidas.

Per laschar virolar dovri

  • Document d'identitad da l'uffant sco er da la persuna responsabla per l'educaziun ch'accumpogna l'uffant
  • Carta da la cassa da malsauns da l'uffant
  • Conferma da l'emprima vaccinaziun per la segunda vaccinaziun
  • Attest da vaccinaziun (en cas ch'ina registraziun vegn giavischada)



audio
Per tadlar curt e cumpact
ord RTR Audio dals 03.01.2022.
laschar ir. Durada: 1 minuta 12 Secundas.

Ord l'archiv: sil punct dals 04.08.2021

video
Virolar u betg: Ina dumonda ch'occupa bleras e blers
Or da sil punct dals 04.08.2021.
laschar ir. Durada: 2 minutas 30 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga