A Cuira èn tenor la polizia da la citad, radund 4'000 persunas sa rimnadas la sonda suentermiezdi sin la Quaderwiese a Cuira per protestar cunter las mesiras da corona. Da la Quaderwiese anora è il marsch da protesta ì tras il center da Cuira. A la testa stgelladers che han procurà per gronda canera.
Impressiuns da la demonstraziun a Cuira
-
Bild 1 von 11Legenda: L'entschatta sin la Quaderwiese a Cuira. RTR, Seraina Derungs
-
Bild 2 von 11Legenda: Pliras milli persunas èn sa rimnadas per ir a demonstrar. RTR, Seraina Derungs
-
Bild 3 von 11Legenda: Las plumpas han fatg l'entschatta dal til tras citad. RTR, Seraina Derungs
-
Bild 4 von 11Legenda: Cun las plumpas davant ora è il til i tras citad. RTR, Seraina Derungs
-
Bild 5 von 11Legenda: Millis persunas èn idas tras citad. RTR, Seraina Derungs
-
Bild 6 von 11Legenda: Las bandieras cun diversas organisaziuns. RTR, Seraina Derungs
-
Bild 7 von 11Legenda: Las persunas che turnan puspè suenter ina runda tras citad enavos tar la Quaderwiese. RTR, Seraina Derungs
-
Bild 8 von 11Legenda: Plirs placats han mussà cunter tge ch'i vegn demonstrà. RTR, Anna Selina Quinter
-
Bild 9 von 11Legenda: RTR, Anna Selina Quinter
-
Bild 10 von 11Legenda: RTR, Anna Selina Quinter
-
Bild 11 von 11Legenda: Helvetia a la demonstraziun. RTR, Seraina Derungs
Crititgà han ils participants e las participantas cunzunt ils vaccins. Il marsch da protest è vegnì organisà da l'uniun «Stiller Protest». Marschs da protest hai gia dà plirs. Tranter auter a Liestal, Wohlen ed a Zug. A Cuira è quai stà il segund marsch. l'emprim avevi dà il mars. Ils demonstrants e las demonstrantas èn sa rimnadas a la Quaderwiese a Cuira ed èn lua marschads tras la citad da Cuira puspètar la Quaderwiese per finir il protest cun musica ed ina manifestaziun. Tut en tut è la demonstraziun stada ruassaivla e senza gronds incaps.