Siglir tar il cuntegn

Header

audio
6 deputads bandunan l'Allianza dal Center
Or da Actualitad dals 27.08.2021.
laschar ir. Durada: 02:40 minutas.
cuntegn

Cussegl grond Deputads bandunan l'Allianza dal Center en tuttas direcziuns

RTR è sa mess a la tschertga dals motivs per las bleras midadas da partida dals ultims mais.

Gist tschintg anteriurs burgaisdemocrats han decis da bandunar l'Allianza dal Center durant la fasa da fusiun. Dus van en direcziun PPS:

Il deputà Walter Grass numna cleramain la raschun per sia midada da partida: La fusiun da la PBD e da la PCD a l'Allianza dal Center. Gia avant la separaziun da la Partida burgaisdemocratica PBD saja el stà commember da la PPS e cunquai na saja questa decisiun betg stada greva, sco el ha ditg envers RTR. Il pur e president communal dad Urmein ch'è dapi l'onn 2010 deputà en il Cussegl grond formulescha dentant era critica envers sia veglia partida.

Cun la fusiun da l'Allianza dal Center han ins annullà la PBD e cuntinuescha cun la PCD.
Autur: Walter Grass, deputà PPS

Era il deputà Benjamin Hefti va en la medema direcziun: El haja gia en vista a la fusiun da la PBD e la PCD decis da midar tar la Partida populara PPS. Cuntrari ad auters n'è el dentant betg stà involvì en la separaziun da la PPS e la PBD avant 13 onns. Il suprastant da Zezras è vegnì elegì l'onn 2018 sco represchentant da la Partida burgaisdemocratica en il Cussegl grond e vul uss cuntinuar sia carriera tar la PPS, bain savend ch'el saja là probabel «in sanester».

Trais anteriurs burgaisdemocrats s'audan uss tar la fracziun liberaldemocratica: L'interprendider da Cuira Oliver Hohl ch'è dapi 2018 deputà, Bruno Loi che represchenta il circul d'Avras dapi l'onn 2018 en il Cussegl grond e Paolo Papa (Calanca) dapi l'onn 2010 deputà. Lur midada da fracziun è succedida tranter schaner e zercladur.

Il sulet deputà da l'anteriura PCD che ha bandunà l'Allianza dal Center è Roman Cantieni (Glion). El è partì en direcziun da la sanestra tar la fracziun socialdemocratica. Sias schanzas per ina reelecziun sajan meglieras tier la PS che tar l'Allianza dal Center.

«Quai fa mal – n'è dentant nagina surpraisa»

Cler, da perder persunal fetschia mal, conceda il co-president da l'Allianza dal Center Kevin Brunold. El haja dentant savì da la sceptica da quels deputads envers la fusiun e cunquai saja quai stà in process transparent. La nova partida sa posiziuneschia amez la politica e cunquai possia capitar che persunas che politiseschian plitost a l'ala dretga u sanestra hajan tschertgà in nov dachasa. Che l'anteriura PBD vegnia sut las rodas en la nova partida, gliez na lascha el dentant betg valair.

Legenda: Kevin Brunold (Surcuolm), co-president da l'Allianza dal Center RTR

RTR actualitad 17:00

Artitgels legids il pli savens

Scrollar a sanestra Scrollar a dretga