Cun la sessiun da december ha il deputà Walter Grass surpiglià da manar la fracziun da la PPS en il Cussegl grond. Il pur da 47 onns da Urmein sur Tusaun fa dapi il 2010 part dal Cussegl grond. Durant 16 onns ha el presidià la vischnanca da Urmein.
Al president da fracziun d'enfin uss Jan Koch manchia il temp da cuntinuar cun l'uffizi pervi da sias activitads sco interprendider, ha communitgà la partida populara grischuna. En cunvegnientscha cun la direcziun da la partida haja el decidì da sa retrair.
Walter Grass è in anteriur politicher da la PBD, che ha pir dacurt midà tar la PPS. El ha crititgà la fusiun da la PCD e la BPD a l'Allianza dal Center.
