Il parc dad urs ad Arosa survegn dus novs cussadents questa primavaira. I giaja per dus fragliuns, in mastgel ed ina femna da 18 onns, ch’èn il mument en il zoo da Skopje en la Macedonia dal Nord, scriva Arosa Turissem. En il parc dad urs ad Arosa hai plaz per tschintg urs. Il mument vivan dus urs là.
Il zoo da Skopje ha dumandà l'organisaziun da protecziun d'animals «Vier Pfoten» d'anflar in meglier lieu da viver per dus da ses quatter urs. Cun la midada dals dus urs sa megliereschia la situaziun per tuts quatter urs, perquai ch'il zoo possia lura sanar il claus da ses urs.
