Dapi dus dis coordinescha e tschertga l’organisaziun «Shelter UKR» da la Svizra orientala persunas privatas ch’èn prontas da dar in dachasa temporar als fugitivs da l’Ucraina. Enfin uss èn gia radund 40 famiglias s’annunziadas. Ina dad ellas è la famiglia Berger da Küblis.
Sch’i fiss guerra tar nus, avessan ils auters era dà albiert.
audio
Ucraina: Karin Berger sa prepara per prender si fugitivs
ord Actualitad dals 04.03.2022.
laschar ir. Durada: 3 minutas 24 Secundas.
Sfidas e legrias
Malgrà ch’i n’è anc betg cler quant ditg che quels fugitivs vegnan a restar en lur dachasa u sch’i dat insumma sustegn finanzial dal chantun, è la famiglia pronta da beneventar tant pli spert ina famiglia en miseria.
Che quella experientscha pudess manar els a lur cunfins, da quai èn Karin e Michael Berger conscient. Ma l'entira famiglia sa legra d’emprender d’enconuscher ina nova cultura e da schizunt far novas amias ed amis.
