Siglir tar il cuntegn

Header

cuntegn

Di da partida PS Grischun PS e Verda cun glista communabla per las proximas elecziuns

La Partida socialdemocratica grischuna va ensemen cun la Verda grischuna en las elecziuns per il Cussegl grond l'onn che vegn. Questa collavuraziun preparada da las suprastanzas da las duas partidas, ha il di da partida da la PS confermà oz a Glion.

audio
La strategia da la PS e la Verda per las elecziuns 2022
ord Actualitad dals 06.09.2021.
laschar ir. Durada: 3 minutas 18 Secundas.

Cunquai ch'il chantun midia dal maiorz sin il proporz dubel, portia quai bleras midadas per l'elecziun da las 120 deputadas e deputads dal Cussegl grond: Mintga vusch valia per la structura dal parlament. Tgi che veglia avair success stoppia avair candidaturas en mintga circul. Per unir las forzas e per dapli diversitad d'opiniuns en il parlament dovria questa glista communabla, uschia l'argumentaziun.

La glista dals socialdemocrats e dals verds na saja betg be in'allianza d'interess. Las duas partidas collieschia er las valurs communablas ed ina amicizia politica. Il nov sistem electoral dal chantun porta la schanza per rumper cun las monoculturas politicas en las valladas dal chantun.

Peyer e tut tenor ina dunna

Gia il zercladur aveva la suprastanza da la Partida socialdemocratica decidì da puspè proponer Peter Peyer sco cusseglier guvernativ. Tar la dumonda da las dunnas en la regenza, ha il president da partida Andri Perl accentuà ch'i saja chaussa da las partidas burgaisas da nominar dunnas. Sche nagina partida portia dentant ina dunna, pondereschia la PS d'agir.

Parolas per il settember

Dasper la strategia per las proximas elecziuns ha la PS er decidì las parolas per las votaziuns federalas dals 24 da settember. La PS grischuna di Gea a la lètg per tuts – sco era a l'iniziativa 99%.

RTR novitads 12:00

Artitgels legids il pli savens