Siglir tar il cuntegn

Header

cuntegn

Dischoccupaziun december 2021 Dumber da dischoccupads constant il december

En il Grischun è il dumber da dischoccupads sa reducì il december be levet per 105 sin 1’489, cumpareglià cun il november. Quai correspunda ad ina quota da dischoccupaziun da 1,3%, sco l'Uffizi per industria, mastergn e lavur dal Grischun scriva. Questa midada minimala saja cunzunt d'attribuir a la fin da la stagiun da construcziun ed il cumenzament da la stagiun d’enviern per il turissem.

Dapli persunas senza lavur en Svizra

En l’entira Svizra è il dumber da dischoccupads percunter s’augmentà levet da 116’244 sin 121’728. Quai correspunda ad ina quota da dischoccupaziun da 2,6%. Dentant è il martgà da lavur sa recreà fermamain da la pandemia, ha il secretariat statal per economia communitgà oz. Oravant tut dapi l’atun, ha il martgà cumenzà a sa normalisar. Uschia quint'ins era che quella fasa da normalisaziun cuntinuescha quest onn. Oravant tut era la lavur curta haja gidà al martgà da lavur. Quella è dentant era sa diminuida congualà cun il 2020. Uschia ha quella mesira chaschunà custs da passa 10 milliardas francs durant il 2020 ed il 2021 da passa 4,5 Milliardas.

Lavur curta en il Grischun

Il december 2021 han totalmain 223 manaschis survegnì indemnisaziuns per lavur reducida en il Grischun. Il mais avant èn quai anc stads 293 manaschis.

audio
Per tadlar: curt e cumpact
ord RTR Audio dals 07.01.2022.
laschar ir. Durada: 1 minuta 21 Secundas.

RTR novitads 09:00

Artitgels legids il pli savens