En l'implant da glera a Domat hai dà glindesdi saira in accident. Ina dunna da 40 onns è vegnida giud via cun in cupitgader (dumper) e lura è quel glischnà d'ina spunda giu. Quai ha communitgà la polizia chantunala.
La manischunza dal cupitgader è sa blessada mezgrev e suenter l'emprim agid, è ella vegnida transportada cun la Rega en l'ospital chantunal a Cuira. Ensemen cun la procura publica sclerescha la polizia chantunala co che l'accident è capità precis.
