La Svizra di cleramain Gea a la midada dal princip che procura ch'il dar organs vegn pli simpel en Svizra. 60,2% da la populaziun han approvà la fatschenta.
Approvà il pli cler la midada da la lescha han ins en il vest ed il sid da la Svizra. Ditg Na han Schaffusa, ils dus Appenzells ed il chantun Sviz.
Lescha per la donaziun d'organs
Svizra: Lescha per la donaziun d'organs
-
GEA
1'319'262 Vuschs
-
NA
872'121 Vuschs
Grischun di Gea a la midada dal princip
En il Grischun ha la lescha per la donaziun d'organs survegnì bler sustegn. Passa 58,3% da las votantas e dals votants en Grischun han votà per midar il princip da la lescha da donaziuns d'organs. La participaziun a la votaziun ha muntà a 44,1%.
Il pli cler Gea è vegnì da la vischnanca da Rossa, cun prest 80%. Il pli cler Na vegn da Ferrera, cun prest 85% da las vuschs.
Lescha per la donaziun d'organs
La proposta dal Cussegl federal vul che tut las persunas dattan en l'avegnir organs, nun ch'ellas han cuntraditg a quai avant la mort. Finamira da questa midada da paradigma è ch'i dettia dapli donaziuns e transplantaziuns d'organs. La lescha prevesa però ina pussaivladad per la parentella da refusar ina donaziun. Quai sch'els supponan che la persuna fiss sa decidida cleramain cunter quest pass.
