Siglir tar il cuntegn

Header

cuntegn

Economia grischuna Dapli svieuta per la EMS Chemie ils emprims trais mais dal 2022

En l'emprim quartal dal 2022 ha il concern Ems Chemie augmentà sia svieuta per 12,7 pertschient, sin 638 milliuns francs – sco l’interpresa ha communitgà la mesemna. Cifras davart in gudogn n’annunzia la Ems-Chemie sco usità betg per l’emprim quartal.

L’interpresa declera l’augment cunzunt cun il bun clima da consum, e che tut lur segments da clientella haja in grond interess per ils products da la Ems Chemie. En tut las regiuns hai dà in svilup positiv, cunzunt dentant en la China ed en ils Stadis Unids da l’America.

La Ems Chemie senta er ch’ils pretschs d’energia e da materias primas èn creschids fermamain. Perquai saja l’interpresa stada sfurzada d’auzar ils pretschs per ils clients. Tut lur filialas sin l’entir mund sajan dentant vinavant ablas da furnir.

La mancanza da chips

In pau mal il venter fa a la Ems Chemie la malsegirezza en il sectur d’automobils, nua che l’interpresa fa 60 pertschient da la svieuta. La mancanza da chips saja vinavant in grond problem per la branscha, ed impedeschia che quella possia sa revegnir – ha scrit la Ems Chemie.

audio
Per tadlar: curt e cumpact
aus RTR Audio vom 27.04.2022.
abspielen. Laufzeit 4 minutas 48 Sekunden.

RTR novitads 09:00

Artitgels legids il pli savens

Scrollar a sanestra Scrollar a dretga