Siglir tar il cuntegn

Header

cuntegn

Economia publica Lev dapli concurs – però damain daners pers

Lev dapli firmas grischunas e privats èn stads pertutgads l'onn passà da proceduras da concurs, cumpareglià cun il 2020. Il dumber da las proceduras da concurs en il Grischun è creschì per da 171 sin 176. Quai mussan las cifras da l'Uffizi federal per statistica. Cumpareglià cun il 2019 èn quai però 49 concurs pli pauc.

En l'entira Svizra donn da 4,2 milliardas francs

En l'entira Svizra hai dà il 2021 var 9% dapli proceduras da concurs cunter firmas e privats. Tenor l'Uffizi federal per statistica ha quest ferm augment cunzunt da far cun il fatg ch'igl ha dà il 2020 plitost paucas scussiuns e concurs. Quai saja puspè d'attribuir surtut a las mesiras ed ils programs da credit che la Confederaziun ha instradà l'emprim onn da la pandemia per impedir in'unda da concurs tras las mesiras cunter il coronavirus. Cumpareglià cun il 2019 è il dumber da concurs creschì per 1,7%.

Las perditas finanzialas entras proceduras da concurs han muntà l'onn passà a 4,2 milliardas francs. Sulet trais singuls cas han manà ad ina summa da perdita da 1,7 milliardas.

audio
Per tadlar curt e cumpact
aus RTR Audio vom 04.04.2022.
abspielen. Laufzeit 1 minuta 6 Sekunden.

RTR novitads 11:00

Artitgels legids il pli savens

Scrollar a sanestra Scrollar a dretga