Siglir tar il cuntegn

Header

cuntegn

+69% Dapli concurs che l'onn passà

En il Grischun han marcantamain dapli firmas fatg concurs ils emprims dus mais da l’onn. Dapi l’entschatta dal schaner fin la fin dal favrer han tut en tut 27 firmas fatg concurs en il chantun. Quai è in plus da 69% cumpareglià cun la medema perioda da l’onn passà. Quai demussan las cifras dal servetsch d’infurmaziun economic «Dun & Bradstreet». En l’entira Svizra han bunamain 1’300 firmas fatg concurs – in augment da 41%.

Livel sco avant la pandemia

Il dumber da concurs en Svizra è uss puspè sin il livel dals onns 2018 e 2019, pia sco avant la pandemia. Durant la pandemia hajan ils programs da sustegn da la Confederaziun gidà da tegnair a mastrin ils concurs.

Novas firmas

Damain novas firmas èn vegnidas fundadas en il Grischun. Tut en tut èn 165 firmas s’inscrittas da nov en il register da commerzi. In minus dad 11% cumpareglià cun l’onn passà. En l’entira Svizra èn circa tuttina bleras firmas vegnidas fundadas sco avant in onn. Entras la marcanta reducziun d'annullaziuns ord il register da commerzi datti en Svizra 3'624 firmas dapli, quai è in augment da radund 12%, cumpareglia cun l'onn passà.

RTR novitads 09:00

Artitgels legids il pli savens