Siglir tar il cuntegn

Header

Legenda: Per cas che las cursas da la cuppa mundiala n'avessan betg lieu a Lai, dessi sustegn da chantun e Confederaziun. Keystone
cuntegn

Events gronds durant corona Chantun dat garanzia a duas occurrenzas

Il chantun Grischun ha acceptà enfin uss duas dumondas per sustegn finanzial en cas ch’occurrenzas grondas n’avessan betg lieu pervia da corona. Quai èn las cursas da la cuppa mundiala da mountainbike a Lai ed il Classic Car ad Arosa (omaduas occurrenzas han lieu il cumenzament settember). Quai ha declerà il minister d’economia Marcus Caduff en il Cussegl grond.

En tut ha il chantun survegnì otg dumondas per sustegn. Gia cler è ch’il Club da hockey da Tavau (campiunadi a partir dals 7 da settember) ed il maraton da skis da l’Engiadina (13 da mars 2022) vegnan era a s’annunziar per questa furma da garanzias.

50:50 tranter Confederaziun e chantuns

Quest sistem da garanzia ha il Cussegl federal decis il matg, damai ch’igl è causa corona extrem intschert da planisar events. Ils custs partan Confederaziun e chantuns mintgamai.

Il chantun Grischun haja reservà per quest onn 5 milliuns e per l'onn che vegn 4 milliuns francs, uschia Marcus Caduff. Ina mesadad paja dentant sco menziunà la Confederaziun. Quants da quests daners ch'il chantun stoppia lura propi pajar, saja quasi nunpussaivel da dir actualmain.

audio
Marcus Caduff: «Reservar daners è sco da guardar en la culla da cristal»
00:41 min, RTR Audio dals 26.08.2021.
laschar ir. Durada: 00:41 minutas.

Tgi survegn garanzia?

Avrir la box Serrar la box

La regenza grischuna ha decis da surpigliar ils criteris da la Confederaziun. Quai vul dir che las occurrenzas ston per exempel avair in caracter surregiunal. Quest sistem da garanzias è valaivel dapi l'avust e dura fin l'avrigl 2022.

RTR novitads 14:00

Artitgels legids il pli savens

Scrollar a sanestra Scrollar a dretga