-
Bild 1 von 6. A Stussavgia èsi anc tut quiet. Bildquelle: RTR, Gierina Gabriel.
-
Bild 2 von 6. Markus Melcher. Bildquelle: RTR, Gierina Gabriel.
-
Bild 3 von 6. Thomas Bucheli ch'è pur e da chasa a Tenna. Bildquelle: RTR, Gierina Gabriel.
-
Bild 4 von 6. RTR emetta live da Stussavgia. Bildquelle: RTR, Gierina Gabriel.
-
Bild 5 von 6. Raffael Müller e Gierina Gabriel vid la lavur. Bildquelle: RTR, Gierina Gabriel.
-
Bild 6 von 6. «Platzers» vegnan ils abitants da Stussavgia numnads dal resta da la val. Bildquelle: RTR, Gierina Gabriel.
Betg dal tut entadim ma plitost envers la fin da la Val Stussavgia – tranter Tenna e l'aclaun Thalkirch – giascha Stussavgia. Il vitg dumbra 151 abitants che vegnan savens numnads «Platzers» dal rest da la val.
La Val Stussavgia è ina val laterala da la Surselva. La via tras la val è vegnida construida enturn il 1882/85. Avant s'orientava la Stussavgia sur Tavellas (il Glaspass) envers Tusaun u sur il Piz Calandari (Safierberg) envers Spleia. L'origin dal num rumantsch per il vitg sco era il num tudestg n'èn betg sclerids.
Nagina festa u pleds d'emprim d'avust
Ina festa d'emprim d'avust, sco quai ch'ei ha dà en bleras vischnancas n'hai betg dà a Stussavgia. En la regiun enturn Stussavgia hai persuenter da dus brunchs. L'interess per survegnir in plaz tar uschè in brunch è fitg grond. Las bleras famiglias dentant fan ina festa per sasez. Insumma na paran quels da Stussavgia betg dad esser gronds patriots – bandieras svizras na'han ins betg vis bleras. Normalmain sa radunan ils abitants d'in aclaun, sco per exempel Zalön u Thalkirch, enturn in fieu. La famiglia Bandli vuleva atgnamain far festa en lur chamona. Da tala avess ins er ina vista sin fieus en ils auts, sco per exempel quel dal Calanda. Pervia da la plievgia èn els dentant restads a chasa. Er la tschaina n'è betg stada tipic svizra: Igl ha da yabab, in kebab cun charn da yak.
RR actualitad 12:00