L’economia en Frantscha na crescha probabel betg uschè ferm sco quintà. Da quest avis è la regenza a Paris ch’ha curregì engiu las prognosas per l’onn current. Da nov quintia la regenza che l’economia creschia per 1 pertschient empè da 1,4 pertschient, ha ditg il minister da l’economia Bruno Le Maire.
Las raschuns sajan tranter auter ils conflicts en l’Ucraina ed en il Proxim Orient, ma er la recessiun en Germania ed en China. Il medem mument ha Le Maire annunzià da vulair spargnar 10 milliardas euros. D’augmentar la taglia na saja dentant betg planisà.
