Siglir tar il cuntegn

9'000 tonnas rosas Rosas da la Kenia sajan meglras per il clima

«Rosas èn cotschnas, poesias van en rima – rosas dal Kenia èn meglras per il clima». Quai mussa in studi che la fundaziun Max Havelaar ha laschà far.

Las rosas dal Kenia chaschunian pli pauc CO2 che quellas che vegnan importadas dals Pajais Bass. In matg rosas ord la Kenia chaschunian total var 9,3 kilos CO2, in matg rosas ord ils Pajais Bass dentant 27 kilos.

Eine Frau verpackt Rosen aus Kenia, welche klimafreundlicher sind als die aus den Niederlanden, Valentinstag, Romantik
Legenda: La Svizra ha importà ils davos dis avant Son Valentin var 9'000 tonnas rosas, scriva il spezialist per transports Swissport. Keystone

Motiv: Ierts sut vaider

Entras il clima miaivel na dovrian las fluras nagin iert sut vaider. En ils Pajais Bass chaschunian la glisch e l'energia per stgaudar bleras emissiuns. Tenor il studi dettia dentant er potenzial da meglierar la producziun da rosas en ils Pajais Bass e da far ella pli effizienta.

I saja dentant era da resguardar che las plantaschas dovrian blera aua, e quai chaschunia problems en autras regiuns, nua che l'aua manchia alura. Sco potenzial per meglierar vesa il studi surtut la pussaivladad da rimnar aua da plievgia ubain da duvrar l'aua pliras giadas en il circul serrà.

Adattà al tema

RTR novitads 08:00

Artitgels legids il pli savens