AfD e Front National: Uniuns gidieuas vesan smanatscha

Las partidas da dretga AfD e Front National sajan in privel per ils Gidieus en Germania ed en Frantscha. Da quest avis èn las uniuns tetgalas dals Gidieus dad omadus pajais.

In um gidieu legia en la thora, la bibla ebraica. Bild in Lightbox öffnen.

Legenda da maletgs: In um gidieu legia en la thora, la bibla ebraica. Keystone

Quai han ditg ils dus presidents da las uniuns tetgalas, Josef Schuster e Francis Kalifat, en las gasettas «Welt» e «Le Figaro».

Retorica dal temp nazistic e scumonds da tradiziuns gidieuas

En Germania n’hajan intgins politichers da l’AfD betg retegnientschas da duvrar retorica dal temp dal naziunalsocialissem.

En Frantscha mettian en dumonda politichers dal Front National la vita gidieua cun discurrer da vulair scumandar tradiziuns gidieuas – sco per exempel da scumandar da purtar la chapitscha tradiziunala dad umens, la kippa, u da mazzar ils animals tenor ritual ebraic.

Uschia na po la collavuraziun betg pli vegnir cuntinuada

Da collavurar cun talas partidas na vegnia per las uniuns betg en dumonda. Perquai na possia la tradiziun, da collavurar sur ils cunfins da las partidas ora e da tegnair contact cun ils parlamentaris da tut las fracziuns betg pli vegnir manada vinavant.

RR novitads 09:00