Siglir tar il cuntegn

Header

cuntegn

Afganistan Talibans annunzian victoria a Pandschir

Ils talibans hajan attatgà la provinza dal Panschir suenter che las tractativas na sajan betg reussidas. Quai perquai che duas persunas hajan refusà ils discurs, di Sabiullah Mudschahid, il pledader dals talibans.

Tenor atgnas indicaziuns, han ils talibans cumplettamain sut controlla la provinza da Pandschir. Ina conferma da vart la front da resistenza naziunala NRF na datti dentant betg. Il manader da la NRF, Achmad Massud, è dentant sa declerà pront per contractivas. El ha declerà da terminar la guerra immediatamain, sch'ils talibans chalian cun las attatgas a Pandschir. La NRF sa stentia per ina soluziun paschaivla cun ils talibans.

La provinza da Pandschir era la davosa en l'Afghanistan che n'era anc betg sut la controlla dals talibans.

audio
Per tadlar: las novitads da las 12:00
04:12 min, RTR Audio dals 06.09.2021.
laschar ir. Durada: 04:12 minutas.

RTR novitads 12:00

Artitgels legids il pli savens

Scrollar a sanestra Scrollar a dretga