El na dovria betg pli sustegn per respirar e possia mintgatant ir or da letg. Quai ha communitgà l’ospital Charité a Berlin nua che Alexei Nawalny vegn tractà. Tenor la regenza tudestga han entant dus ulteriurs labors spezials en Frantscha e Svezia confermà che Nawalny è vegnì tissientà cun il tissi da gnerva Novitschok.
Il pledader da la regenza tudestga ha puspè pretendì da la Russia ch’ella prendia posiziun en chaussa. Alexei Nawalny era crudà ensemen ils 20 d’avust durant in sgol en Russia. Il politicher vala sco in dals pli vehements critichers dal president da la Russia, Wladimir Putin.
