Siglir tar il cuntegn

Header

cuntegn

Almain 13 morts Taifun «Lekima» furia en la China

Cun ferma plievgia ha il taifun Lekima cuntanschì la costa da l'ost da la China. Almain 13 persunas sajan mortas pervi d'ina bova. La bova è ida a val 130 kilometers en il nord da la citad Wenzhou, quai suenter ch'in rempar è ruts. Pliras persunas sajan anc sparidas. Quai han communitgà las autoritads localas.

Blers sgols èn vegnids annullads

Passa in milliun persunas sajan vegnidas evacuadas. Plantas e pitgas d’electricitad sajan derschidas. En 2,7 milliuns chasadas saja il current electric interrut. Tschient da sgols sajan vegnids annullads. Il taifun sa movia uss vinavant en direcziun nord e vegnia pli flaivel, ha declerà il servetsch meteorologic.

RR novitads 09:00